ਡਿਪਟੀ ਕਮਿਸ਼ਨਰ ਵਿਨੈ ਬਬਲਾਨੀ ਨੇ ਅੱਜ ਸਥਾਨਕ *ਐੱਸ ਡੀ ਐਮ ਦਫ਼ਤਰ* ਕੰਪਲੈਕਸ ’ਚ ਸਥਿਤ ਸੇਵਾ ਕੇਂਦਰ ਦੀ ਸ਼ਾਮ ਅਚਨਚੇਤ ਚੈਕਿੰਗ ਕੀਤੀ ਅਤੇ ਵੱਖ-ਵੱਖ ਕਾਊਂਟਰਾਂ ’ਤੇ ਦਿੱਤੀਆਂ ਜਾ ਰਹੀਆਂ ਸੇਵਾਵਾਂ ਅਤੇ ਰਿਕਾਰਡ ਦੀ ਪੜਤਾਲ ਕੀਤੀ।ਉਨ੍ਹਾਂ ਇਸ ਮੌਕੇ ਸੇਵਾ ਕੇਂਦਰ ਦੇ ਜ਼ਿਲ੍ਹਾ ਇੰਚਾਰਜ ਸਰਬਜੀਤ ਨੂੰ ਹਦਾਇਤ ਕੀਤੀ ਕਿ ਕਿਸੇ ਵੀ ਕੰਮ ਲਈ ਆਪਣੀ ਅਰਜ਼ੀ ਲੈ ਕੇ ਸੇਵਾ ਕੇਂਦਰ ਆਉਣ ਵਾਲੇ ਪ੍ਰਾਰਥੀ ਨੂੰ ਦਿੱਤੀ ਜਾਣ ਵਾਲੀ ਸੇਵਾ, ਉਸ ਸਬੰਧੀ ਪਹਿਲਾਂ ਕਿਸੇ ਥਾਂ ਤੋਂ ਹੋਣ ਵਾਲੀ ਤਸਦੀਕ ਆਦਿ ਬਾਰੇ ਮੁਕੰਮਲ ਜਾਣਕਾਰੀ ਦਿੱਤੀ ਜਾਵੇ।ਡਿਪਟੀ ਕਮਿਸ਼ਨਰ ਨੇ ਪਿਛਲੇ ਦਿਨਾਂ ’ਚ ਅਸਲਾ ਲਾਇਸੰਸ ਨਵੀਨੀਕਰਣ ਮਾਮਲੇ ’ਚ ਕੁੱਝ ਪ੍ਰਾਰਥੀਆਂ ਨੂੰ ਸਬੰਧਤ ਤਹਿਸੀਲਦ ਦੇ ਤਹਿਸੀਲਦਾਰ ਨੂੰ ਅਸਲਾ ਦਿਖਾਉਣ ਦੀ ਪ੍ਰਕਿਰਿਆ ਸਬੰਧੀ ਜਾਣਕਾਰੀ ਨਾ ਹੋਣ ਕਾਰਨ ਆਈ ਮੁਸ਼ਕਿਲ ਦਾ ਹਵਾਲਾ ਦਿੰਦਿਆਂ ਕਿਹਾ ਕਿ ਇਸ ਲਈ ਸਬੰਧਤ ਖਿੜਕੀ ’ਤੇ ਬੈਠਾ ਅਪਰੇਟਰ ਇਸ ਗੱਲ ਨੂੰ ਯਕੀਨੀ ਬਣਾਵੇ ਕਿ ਅਸਲਾ ਲਾਇਸੰਸ ਨਵੀਨੀਕਰਣ ਮਾਮਲੇ ’ਚ ਸਬੰਧਤ ਪ੍ਰਾਰਥੀ ਨੂੰ ਤਹਿਸੀਲਦਾਰ ਤੋਂ ਅਸਲੇ ਦੀ ਪੜਤਾਲ ਕਰਵਾਉਣ ਬਾਰੇ ਸਪੱਸ਼ਟ ਦੱਸਿਆ ਜਾਵੇ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਜਿੱਥੇ ਪ੍ਰਾਰਥੀ ਦਾ ਬਿਨ੍ਹਾਂ ਵਜ੍ਹਾ ਗੇੜਾ ਬਚਦਾ ਹੈ ਉੱਥੇ ਸਮੇਂ ਸਿਰ ਤਹਿਸੀਲਦਾਰ ਤੋਂ ਅਸਲੇ ਦੀ ਪੜਤਾਲ ਹੋਣ ਨਾਲ ਉਸ ਦਾ ਕੰਮ ਵੀ ਸਮੇਂ ਸਿਰ ਹੋ ਜਾਵੇਗਾ।ਉਨ੍ਹਾਂ ਨੇ ਇਸ ਦੇ ਨਾਲ ਹੀ ਇੱਕ ਕਾਊਂਟਰ ’ਤੇ ਜ਼ਿਆਦਾ ਟੋਕਣ ਹੋਣ ਦੀ ਸੂਰਤ ’ਚ ਲੰਬਾ ਸਮਾਂ ਉਡੀਕ ਕਰਕੇ ਵਾਪਸ ਮੁੜਨ ਵਾਲੇ ਪ੍ਰਾਰਥੀ ਦਾ ਕ੍ਰਮ ਲੰਘ ਜਾਣ ’ਤੇ ਅਤੇ ਉਸ ਦੇ ਦੁਬਾਰਾ ਆਉਣ ’ਤੇ ਉਸ ਨੂੰ ਪਰਮ ਅਗੇਤ ਦੇਣ ਲਈ ਵੀ ਕਿਹਾ। ਉਨ੍ਹਾਂ ਕਿਹਾ ਕਿ ਅਜਿਹਾ ਹੋਣ ਨਾਲ ਉਸ ਨੂੰ ਵਾਧੂ ਦੀ ਪ੍ਰੇਸ਼ਾਨੀ ਨਹੀਂ ਝੱਲਣੀ ਪਵੇਗੀ।ਡਿਪਟੀ ਕਮਿਸ਼ਨਰ ਨੇ ਜਿੱਥੇ ਸੇਵਾ ਕੇਂਦਰਾਂ ’ਚ ਆਉਣ ਵਾਲੇ ਪ੍ਰਾਰਥੀਆਂ ਨੂੰ ਉਸ ਵੱਲੋਂ ਮੰਗੀ ਜਾਂਦੀ ਸੇਵਾ ਸਬੰਧੀ ਪੂਰੀ ਜਾਣਕਾਰੀ ਦੇਣ ’ਤੇ ਜ਼ੋਰ ਦਿੱਤਾ ਉੱਥੇ ਸੀਨੀਅਰ ਸਿਟੀਜ਼ਨਜ਼ ਅਤੇ ਦਿਵਿਆਂਗਾਂ ਨੂੰ ਵੀ ਪਹਿਲ ਦੇਣ ਲਈ ਆਖਿਆ।