ਸਾਬਕਾ ਖੇਤੀਬਾੜੀ ਮੰਤਰੀ ਸਵ. ਸ. ਦਿਲਬਾਗ ਸਿੰਘ ਦੀ 24 ਵੀ ਬਰਸੀ ਮਨਾਈ ਗਈਐਮ ਐਲ ਏ ਅੰਗਦ ਸਿੰਘ, ਅਦਿਤੀ ਸਿੰਘ ਤੇ ਸਾਬਕਾ ਐਮ ਐਲ ਏ ਗੁਰਇਕਬਾਲ ਕੌਰ ਸਮੇਤ ਕੀਤੀ ਪਰਿਵਾਰ ਦੇ ਦੂਸਰੇ ਮੈਂਬਰਾਂ ਤੇ ਹਿਤੈਸ਼ੀਆਂ ਨੇ ਸ਼ਿਰਕਤਨਵਾਂ ਸ਼ਹਿਰ, 18 ਮਾਰਚ -ਸ਼ਹੀਦ ਭਗਤ ਸਿੰਘ ਨਗਰ ਨੂੰ ਜ਼ਿਲ੍ਹੇ ਦਾ ਦਰਜਾ ਦਿਵਾਉਣ ਵਾਲੇ ਦੂਰ ਅੰਦੇਸ਼ ਸਿਆਸਤਦਾਨ ਸਵ. ਸ. ਦਿਲਬਾਗ ਸਿੰਘ ਸਬਕਾ ਖੇਤੀਬਾੜੀ ਮੰਤਰੀ ਨੂੰ ਅੱਜ ਉਨ੍ਹਾਂ ਦੀ 24ਵੀ ਬਰਸੀ ਮੌਕੇ ਪਰਿਵਾਰਿਕ ਮੈਂਬਰਾਂ ਤੇ ਹਿਤੈਸ਼ੀਆਂ ਵੱਲੋਂ ਯਾਦ ਕੀਤਾ ਗਿਆ।ਉਨ੍ਹਾਂ ਦੇ ਬਰਨਾਲਾ ਕਲਾਂ ਚੌਂਕ ਨਵਾਂ ਸ਼ਹਿਰ ਸਥਿਤ ਸਮਾਰਕ ਤੇ ਇਸ ਮੌਕੇ ਸਰਵ ਧਰਮ ਪ੍ਰਾਰਥਨਾ ਕੀਤੀ ਗਈ, ਜਿਸ ਵਿਚ ਐਮ ਐਲ ਏ ਅੰਗਦ ਸਿੰਘ, ਐਮ ਐਲ ਏ ਅਦਿਤੀ ਸਿੰਘ ਅਤੇ ਸਾਬਕਾ ਐਮ ਐਲ ਏ ਗੁਰਇਕਬਾਲ ਕੌਰ ਤੋਂ ਇਲਾਵਾ ਰਾਣਾ ਕੁਲਦੀਪ ਸਿੰਘ, ਚਮਨ ਸਿੰਘ ਭਾਨ ਮਜਾਰਾ, ਲਲਿਤ ਮੋਹਨ ਪਾਠਕ ਆਦਿ ਮੌਜੂਦ ਸਨ।ਇਸ ਤੋਂ ਪਹਿਲਾਂ ਪਰਿਵਾਰ ਵੱਲੋਂ ਕੋਰੋਨਾ ਵਾਇਰਸ ਦੇ ਫੈਲਾਅ ਨੂੰ ਰੋਕਣ ਲਈ ਰਾਜ ਸਰਕਾਰ ਵੱਲੋਂ ਦਿੱਤੀਆਂ ਇਕੱਠ ਨਾ ਕਰਨ ਦੀਆਂ ਸਲਾਹਾਂ ਦੇ ਮੱਦੇਨਜ਼ਰ ਅੱਜ ਬਰਸੀ ਸਮਾਗਮ ਤੇ ਵੱਡਾ ਇਕੱਠ ਕਰਨ ਤੋਂ ਮਨ੍ਹਾ ਕਰਦਿਆਂ ਸਮੂਹ ਪਰਿਵਾਰਕ ਹਮਦਰਦਾਂ ਨੂੰ ਆਪਣੇ ਘਰਾਂ ਚ ਹੀ ਸਵ. ਸ. ਦਿਲਬਾਗ ਸਿੰਘ ਨੂੰ ਯਾਦ ਕਰਨ ਦੀ ਅਪੀਲ ਕੀਤੀ ਸੀ।ਉਂਜ ਸਵੇਰ ਤੋਂ ਪਰਿਵਾਰ ਦੇ ਹਮਦਰਦ ਇੱਕ ਇੱਕ - ਦੋ ਦੋ ਦੇ ਗਰੁੱਪ ਚ ਸਮਾਰਕ ਵਿਖੇ ਸਵ. ਸ. ਦਿਲਬਾਗ ਸਿੰਘ ਨੂੰ ਸ਼ਰਧਾ ਸੁਮਨ ਭੇਟ ਕਰਨ ਆਉਂਦੇ ਰਹੇ। ਪਰਿਵਾਰ ਵੱਲੋਂ ਅੱਜ ਸਮੁੱਚੇ ਆਉਣ ਵਾਲਿਆਂ ਨੂੰ ਮਾਸਕ ਤੇ ਹੈਂਡ ਸੈਨੇਟਾਈਜ਼ਰ ਦੀ ਵੰਡ ਵੀ ਕੀਤੀ ਗਈ।ਵਿਧਾਇਕ ਅੰਗਦ ਸਿੰਘ ਨੇ ਇਸ ਮੌਕੇ ਸਵ. ਸ. ਦਿਲਬਾਗ ਸਿੰਘ ਦੀ ਜ਼ਿਲ੍ਹੇ ਨੂੰ ਦਿੱਤੀ ਦੇਣ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਉਨ੍ਹਾਂ ਵੱਲੋਂ ਨਿਰਸਵਾਰਥ ਭਾਵਨਾ ਨਾਲ ਕੀਤੀ ਲੋਕ ਸੇਵਾ ਅੱਜ ਵੀ ਪਰਿਵਾਰ ਲਈ ਰਾਹ ਦਸੇਰਾ ਬਣੀ ਹੋਈ ਹੈ।