ਪਿੰਡ ਮੀਰਾਂਪੁਰ ਵਿਖੇ ਜੀ.ਐਨ.ਏ. ਫੁਟਬਾਲ ਅਕੈਡਮੀ ਦਾ ਹੋਇਆ ਉਦਘਾਟਨ* ਨੌਜਵਾਨਾਂ ਨੂੰ ਖੇਡਾਂ ਲਈ ਪ੍ਰੇਰਿਤ ਕਰਨ ਦਾ ਵਧੀਆ ਉਪਰਾਲਾ - ਦਲਜੀਤ ਰਾਜੂ* ਨਸ਼ਿਆਂ ਤੋਂ ਦੂਰ ਰਹੇ ਨੌਜਵਾਨ ਪੀੜ੍ਹੀ - ਕਮਲ ਧਾਲੀਵਾਲ ਫਗਵਾੜਾ 28 ਜਨਵਰੀ ਪਿੰਡ ਮੀਰਾਂਪੁਰ ਵਿਖੇ ਜੀ.ਐਨ.ਏ. ਫੁਟਬਾਲ ਅਕੈਡਮੀ ਮੇਹਟੀਆਣਾ ਦੀ ਬ੍ਰਾਂਚ ਦਾ ਸ਼ੁਭ ਆਰੰਭ ਕੀਤਾ ਗਿਆ। ਜਿਸਦਾ ਉਦਘਾਟਨ ਜਿਲ•ਾ ਕਪੂਰਥਲਾ ਕਾਂਗਰਸ ਕਮੇਟੀ ਦੇ ਕੋਆਰਡੀਨੇਟਰ ਦਲਜੀਤ ਰਾਜੂ ਦਰਵੇਸ਼ ਪਿੰਡ ਦਿਹਾਤੀ ਪ੍ਰਧਾਨ ਫਗਵਾੜਾ ਅਤੇ ਹਲਕਾ ਵਿਧਾਇਕ ਬਲਵਿੰਦਰ ਸਿੰਘ ਧਾਲੀਵਾਲ ਦੇ ਸਪੁੱਤਰ ਕਮਲ ਧਾਲੀਵਾਲ ਵਲੋਂ ਸਾਂਝੇ ਤੌਰ ਤੇ ਕੀਤਾ ਗਿਆ। ਦਲਜੀਤ ਰਾਜੂ ਨੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਅਕੈਡਮੀ ਖੁੱਲਣ ਨਾਲ ਨੌਜਵਾਨਾ ਵਿਚ ਫੁਟਬਾਲ ਪ੍ਰਤੀ ਉਤਸ਼ਾਹ ਪੈਦਾ ਹੋਵੇਗਾ। ਇਸ ਦੌਰਾਨ ਸਰਪੰਚ ਦਲਵੀਰ ਕੌਰ ਅਤੇ ਉਨ•ਾਂ ਦੇ ਪਤੀ ਬਲਵਿੰਦਰ ਬਿੰਦਾ ਨੇ ਦੱਸਿਆ ਕਿ ਜੀ.ਐਨ.ਏ. ਫੁਟਬਾਲ ਅਕੈਡਮੀ ਪੰਜਾਬ ਫੁਟਬਾਲ ਐਸੋਸੀਏਸ਼ਨ ਨਾਲ ਐਸੋਸੀਏਟਡ ਹੈ। ਜੋ ਕਿ 8 ਤੋਂ 15 ਸਾਲ ਤੱਕ ਦੇ ਬੱਚਿਆਂ ਨੂੰ ਇੱਥੇ ਫੁਟਬਾਲ ਦੀ ਟ੍ਰੇਨਿੰਗ ਵਧੀਆ ਕੋਚਾਂ ਰਾਹੀਂ ਦੇਵੇਗੀ। ਇਸ ਅਕੈਡਮੀ ਨੂੰ ਖੋਲ•ਣ ਦਾ ਮੰਤਵ ਇਲਾਕੇ ਦੇ ਪਿੰਡਾਂ ਦੇ ਬੱਚਿਆਂ ਨੂੰ ਨਸ਼ਿਆਂ ਤੋਂ ਦੂਰ ਰੱਖਣਾ ਅਤੇ ਫੁੱਟਬਾਲ ਵਰਗੀ ਦੁਨੀਆ ਦੇ ਸੱਭ ਤੋਂ ਪ੍ਰਸਿੱਧ ਖੇਡ ਨਾਲ ਜੋੜ ਕੇ ਵਧੀਆ ਪ੍ਰੋਫੈਸ਼ਨਲ ਖਿਡਾਰੀ ਬਨਾਉਣਾ ਹੈ। ਉਨ•ਾਂ ਦੱਸਿਆ ਕਿ ਚੁਣੇ ਗਏ ਬੱਚਿਆਂ ਨੂੰ ਅਕੈਡਮੀ ਵਲੋਂ ਵਧੀਆ ਟ੍ਰੇਨਿੰਗ ਦੇ ਨਾਲ ਫੁਟਬਾਲ ਕਿੱਟਾਂ, ਜਰਸੀਆਂ ਆਦਿ ਸਾਰਾ ਜਰੂਰੀ ਸਮਾਨ ਦਿੱਤਾ ਜਾਵੇਗਾ। ਇਸ ਦੌਰਾਨ ਪੰਚਾਇਤ ਵਲੋਂ ਪਿੰਡ ਦੇ ਬਾਹਰੋ ਬਾਹਰ ਬੂਟੇ ਵੀ ਲਗਾਏ ਗਏ। ਜਿਸਦਾ ਸ਼ੁਭ ਆਰੰਭ ਵੀ ਦਲਜੀਤ ਰਾਜੂ ਦਰਵੇਸ਼ ਪਿੰਡ ਅਤੇ ਕਮਲ ਧਾਲੀਵਾਲ ਨੇ ਕਰਵਾਇਆ। ਕਮਲ ਧਾਲੀਵਾਲ ਨੇ ਵਾਤਾਵਰਣ ਨੂੰ ਸਾਫ ਸੁਥਰਾ ਰੱਖਣ ਲਈ ਸਹਿਯੋਗ ਕਰਨ ਅਤੇ ਨੌਜਵਾਨਾ ਨੂੰ ਨਸ਼ੇ ਨਾ ਕਰਕੇ ਖੇਡਾਂ ਨੂੰ ਅਪਨਾਉਣ ਦੀ ਅਪੀਲ ਕੀਤੀ। ਇਸ ਮੌਕੇ ਮੈਂਬਰ ਪੰਚਾਇਤ ਅਮਰਜੀਤ ਕੌਰ, ਸੁਰਿੰਦਰ ਕੌਰ, ਜੋਗਿੰਦਰ ਕੌਰ, ਅਮਰੀਕ ਸਿੰਘ, ਰਣਜੀਤ ਸਿੰਘ, ਸੁਖਵਿੰਦਰ ਸਿੰਘ ਸਾਬਕਾ ਸਰਪੰਚ ਗੁਜਰਾਤਾਂ, ਤਰਸੇਮ ਸਿੰਘ ਸਾਬਕਾ ਪੰਚ, ਪਰਮਜੀਤ ਸਿੰਘ ਮੈਂਬਰ ਪੰਚਾਇਤ ਗੁਜਰਾਤਾਂ ਆਦਿ ਹਾਜਰ ਸਨ।